Þegar minnast á Guðmundar Einarssonar, kemur fyrst upp í hugann þessi glaðværi trausti maður, sem hafði langa reynslu og mikla af sálarrannsóknum.
Því var það okkur hjá Sálarrannsóknarfélagi Íslands mikill fengur að fá að starfa með honum. Guðmundur hafði áratuga reynslu sem forseti og stjórnarmaður S.R.F.Í. Guðmundur Sótti fundi og ráðstefnur fyrir félagið í mörg ár, þar sem hann kynntist mörgum góðum og færum miðlum sem hann fékk til landsins til að vinna og kynna fyrir okkur það nýjasta í miðilsskap, var það ómetanlegt.
Leysti hann öll þessi störf af miklum áhuga og ljúfmennsku. Við sem kynntumst honum og vorum með honum í stjórn félagsins nutum þeirra forréttinda að heyra hann segja  með sinni sérstöku rödd og áherslum reynslusögur og rannsóknir sálarrannsókna. Guðmundur var fulltrúi Sálarransóknarfélags Íslands í mörgum útvarps, sjónvarpsþáttum og á öðrum vettvangi og var hann verðugur fulltrúi þess.
Við hjá Sálarrannsóknarfélagi Íslands sendum fjölskyldu hans og ættingjum innilegar samúðarkveðjur.